Home  /  News  /  MAACH THEATER AM JUNI
BIBEL TV (c) boshua_0216

MAACH THEATER AM JUNI

Bibel TV – D’Teresa poléiert d’Vase vun der Woueregt

Exklusiv!

 

An dëser Folleg begleede mir d’Botzfra Teresa (38) op hirer Botztour duerch de „Nonnebunker“.

Wat verbiergt sech hannert den décke Mauere vum Meederchersinternat?

Wat hunn doudeg Kazen a Graffitien am Klouschter ze bedeiten?

Wee bréngt d’Schülerinnen an d’Nonnen zum Verzweiwelen?

Dat alles gitt dir live am TNL de 15. a 16. Juni um 20 Auer gewuer.

Den TNL Jugendclub Maach Theater! gëtt et mëttlerweil schonn iwwer 12 Joer. Mat 14 Uropféierungen ass den TNL Jugendclub am Laf vun de Joeren an der lëtzebuerger Theaterzeen scho bal zu engem Begrëff gi fir originellen an innovativen Theater vu jonke Leit.

Mam Anna Bertemes, Carla Vind, Catherine Giuliani, Catherine Wampach, Charlotte Colbach, Dora Thiry, Elizabeth Prozorova, Hannah Kemp, Leïla Oualkadi, Mathilde Sattler, Nathalie Funck, Noa Rodriguez, Sophie Letellier, Yasmin Jacobi, Zoé Osch.

Theaterpädagogesch Leedung : Jill Christophe

Assistenz : Gilles Seyler

15. Juni 2018 20:00

16. Juni 2018 20:00